返回首页好句子
倚栏轩 > 好文章 > 好的文章 > 正文

十指緊扣,愛情已死。

作者: 堕落的人2012/11/06好的文章

手拖住手嘅感觉真系好

尤其系当你拖住一个你自已中意嘅人

不其然就会有一种甜蜜同埋幸福嘅感觉

轻轻咁手挽手就已经感觉到互相既浓情蜜意

将大家既距离拉得好近好近

每当我哋手拖住手嘅时候

唔单止感觉到温暖仲有力量信心

好似可以感觉到对方对对方嘅关心肯定

呢一切美好嘅感觉其实都系因为我地都爱对方

记得你曾经讲过 你好中意同我手拖住手

尤其系最中意同我十指紧扣嘅感觉

因为你觉得咁样好有安全感

而我地亦都曾经拖住对方走过

左好多好多嘅路经历左好多 分享左好多

但愿系呢一世 我地都可以十指紧扣 一齐走埋下半生、

两个人手拖住手真系可以咩也都感受得到

包括可以感受到我地嘅感情去到边一度

拖住嘅时候感觉甜甜蜜蜜甘梗系好啦

但系唔知由几时开始

我就发现同你手拖住手嘅感觉已经唔同左啦

虽然 我地仍然系手拖住手

但系我已经感觉唔到以前果种着紧同埋关心

睇住你同我一齐嘅时候

变得越来越恍惚 越来越冷淡

真系令到我觉得好不安 好难过

我真系好想问 其实你系未已经唔再爱我呢

因为手拖手嘅时候

我已经再感受唔到以前果种亲近既感觉

相反我地嘅距离 好似一日比一日甘拉开

变得越来越远

到左最后我地双方心里面都好明白

系时候要放手

因为我地之间嘅爱情

已发出左死亡既信号

再见 系我失恋既呢一日

我将自己双手紧扣住

放系额前为呢段失落左嘅爱情

作出最深切 最深切嘅哀悼。